山, 永遠都有嘢學

五條煙大操的第二章, 第1至5段頭50公里, 中秋時節日光日白上山迎月, 斜陽作月影自娛, 光酥餅充當迎節, 秋風秋雨時而造訪, 全程走至獅子亭, 10小時50分完成, 精B以一碗餐蛋麵做節, 完成訓練收隊。撞牆, 反胃, 抽筋, 眼瞓照例出現, 這倒是大操的目的, 所以我們這次是達標完成, 為要尋回痛苦的感覺, 準備蛻變升呢, 再戰毅行。

我哋要升呢因為仲未夠班, 五條煙之計談何容易, 一睇就知我哋唔係體育界鉅子, 又唔識輕功水上飄。不過, 有創意我鐘意, 精B尋遍叢山峻嶺, 想鍊出一些簡單的配方元素, 以供城中各界大忙人想一想, 毅行, 你都可以做得到。

十八, 永遠是靚冧把, 財富, 青春, 美麗, 活力, 誰個不渴慕。毅行者的十八, 一字記之曰, S代表晒。S之豐富之多彩, 我們可能寫之不盡又尋之不竭, 我思故我在, 所以要寫欄又寫blog。離終點的時間和距離是有限, 過程卻是無限, 山永遠都有嘢學。

這次大操最大思考之處是食嘢, 何以我們饑餓乏力卻又厭惡進食, 實在是有違天理。撞牆前後應該最急須能量理應饑不擇食, 但實在是嚥不下那Power Bar的東西, 那洋鬼子罐頭式的擠壓製作, 忽視人性。從此我們『Bar不得』要另尋人體喜於接受的能量食物, 尋找隱世食方要醫治進食的心理病。



S: Super Trailwalker, 在毅行者中分別兩年以少於20小時及18小時完成的隊伍, 號碼以S行頭。